تاريخ اليوم : 4 ديسمبر 2020
            رئيس المجلس الجماعي لكليميم يعزي في وفاة موظفين...             المنسق السياسي لبعثة جنوب أفريقيا فالأمم المتحدة: الصحرا مهمة فسياستنا الخارجية ومجلس الامن حاكمينو المصالح..             نبقاو على بال..3996 واحد لي تقاسو بكورونا فالمغرب ف،24 ساعة الأخيرة..4827 تشافاو..73 ماتو..و ها فين وصل الطوطال..             سلطات كليميم تتجه نحو تمديد العمل بحالة الطوارئ الصحية في الإقليم لمدة 15 يوما             سيناتور فرنسي سول وزير خارجيتو: كاين تصعيد فالصحرا وتقدر تكون حرب وشنو غادي دير فرنسا..             بسباب كورونا..هاذ صباح تسلمات المديرية الجهوية للصحة فلعيون معدات طبية ولوجيستيكية تفوق كلفتها المالية 31 مليون درهم..             غير دابا: وفاة موظف بجماعة كليميم بسبب كورونا...             توقيف شاحنة كبيرة محملة بأطنان من الإسمنت المدعم المهرب القادم من الصحراء بنواحي تارودانت...             تفكيك خلية إرهابية موالية لداعش بتطوان...(صور)             القناة الألمانية “أرتي” عرات البوليساريو و فضحات كلشي..             الجزاير..آلية الترويكا الإفريقية الخاصة بالصحرا فشلات..و ها شكون إتحمل مسؤوليتو..             بلاغ عاجل: وزارة الداخلية تحذر من الادعاءات المغرضة الصادرة في حق المؤسسات الأمنية ...             تمديد حالة الطوارئ الصحية بالمغرب إلى غاية 10 يناير من السنة القادمة...             بالفيديو: شوفو العيون عاصمة الجنوب كي كانت و كي ولات ...             روسيا: خص المغرب و البوليساريو إضبطو نفوسهم و ستانفو المسار الأممي..             قوجيل تلاقى مع رئيس مجلس الشيوخ الفرنسي و ملف الصحرا كان مطروح..             خص الجميع إرد بالو..كورونا غادية و كتزحف فالصحرا..130 واحد تقاسو فجهة لعيون..148 فجهة كليميم..19 فالداخلة..             نبقاو على بال..4434 تقاسو بكورونا فالمغرب فـ24 ساعة الأخيرة..4750 تشافاو..78 ماتو..وها فين وصل الطوطال..             المنسق الإقليمي لحزب الأحرار بآسا الزاك تيطالب بالإعفاء ديالو...و ها لاش تيوجد....             عائلة " عبدالعزيز أبا" عن حزب الاستقلال تستقبل وفدا برلمانيا عن لجنة الخارجية بمجلس النواب..و ها أش دار بينهم..             الرأس الأخضر: قرار المغرب بالتدخل فالكَركَرات شرعي وسلمي وكندينو استفزازات البوليساريو..             هزيمة البوليساريو فالكَركَرات. ما كتسناش شي حاجة من مجلس الأمن وبررات الهزيمة بمهاجمة مجلس الأمن..             و زوينة هاذي.. البوليساريو بغات تركب على الوضع الصحي فالعيون ..             107 تقاسو بالفيروس فجهة كَليميم وادنون أغلبهم فإقليم كَليميم..             نواب لجنة الخارجية فمجلس النواب دارو لقاءات مع القناصلة فالعيون ..             القنصل العام للإمارات فالعيون: علاقاتنا قوية مع المغرب وغادي تعزز اقتصاديا واستثماراتيا فالعيون..             نقابةُ مهنيّي سيّارات الأجرة الصغيرة بكليميم تطالب بتوفير وسائل التعقيم لتفادي انتشار كورونا ...             ها كيفاش فشلات البوليساريو في إثارة الشغب في قلب الصحراء و ها كيفاش نجحت سلطات العيون في التصدي لها بفضل حنكة الوالي "بيكرات" و والي الأمن "أبو الذهب"....             بسباب كورونا..موريتانيا سدات المدارس و الجامعات..             الموت يفجع "محمد باري" أحد شيوخ قبائل الصحراء و إطار بالمديرية الجهوية للإتصال بالعيون..             بالفيديو..والي العيون يعزي قبيلة الشرفاء العروسيين في وفاة المرحوم " أكماش سيدي السالك ولد حمادي ولد لفيظل".            بالفيديو..شوفو الجانب الإنساني فوالي لعيون أثناء تقديمه العزاء لعائلة المرحوم " أكماش سيدي السالك ولد حمادي ولد لفيظل".             فحضور والي لعيون..ها شنو قال "عبدالله ادبدا" فعزاء المرحوم " أكماش سيدي السالك ولد حمادي ولد لفيظل".             بمناسبة عيد الأضحى..ها باش كينصح ولد الرشيد ساكنة لعيون..             من هو أفضل شخصية سياسية صحراوية لسنة 2012           


أضيف في 21 نونبر 2020 الساعة 22:42


الكَركَرات : تفاصيل كثيرة على الوضع ودوا وماكلة وسيروم ورحلة بطلها جيش معنوياتو مرتافعة وحاس بالإمتنان..


الصحراء اليومية/العيون

الكَركَرات نهار الجمعة الموافق للعشرين من نونبر 2020، نهار من ضمن نهارات طلعات شمسها على الراية المغربية وكشفات على واقع جديد فمنطقة استراتيجية مهمة للبلاد، منطقة هي عِماد لسياسات البلاد الخارجية، وعبرها قدر المغرب أنه يبدل مواقف ويقلب موازين فقارة أفريقية مواقفها السياسية كتبنى على المصالح وعطيني نعطيك جهارا نهارا.

التسعود د الصباح  كنا فالمعبر، وقفنا على الحركة كيدايرة، مزيانة وفيها رواج وهادشي باين على مالين لحوانت حدا المعبر، خدامين مروجين، برارد أتاي، العصير، الزريك -مشروب صحراوي عبارة عن اللبن والماء والسكر أو الحليب والياغورت-، كلشي موجود وبنادم مسربي خدام على راسو وكيعرق على رزقو، مخلي ولادو ولا أهلو وناسو ورزقو تابعو مئات الكيلومترات على الحدود، فالكَركَرات كلشي استهلاكي تقدر تلقاه، ولي بغيتيها واجدة، وكلشي بادي نهارو بالابتسامة.

فخضم هادشي كتلقى عائلات من جنسيات دول جنوب الصحرا كَالسين لكنتهم غريبة وجنسياتهم مختالفة، وزيد عليهم كَور أيضا تا هوما كاينين، كيساينو يدوزو، ولكن الحركة المدنية مازال ما ولات كاينة بسبب التقييدات ديال كورونا، الكَركَرات دابا للأنشطة التجارية فقط كيف كان قبل ما تسد الطريق.

التسعود وعشرين دقيقة، أول حاجة درناها مشينا للديوانة نشوفو الشاحنات لي غادية لموريتانيا والعمق الأفريقي، حركة عادية كلشي كيساين نوبتو توصل مستاعد يصبر ساعة وجوج وثلاثة ولكن فالنهاية غادي يكمل طريقو وما يوقفو تا حد ما دام قانوني وسلعتو نقية من أي شوائب.

شي مريح فشاحنتو شي كيفطر فيها وشي كيبقشش فتيليفونو المهم ضامن بأنه يدوز لموريتانيا، وصحاب الديوانة بزيهم خدامين، شي غادي شي جاي، شي هاز وراق، شي داي معاه كلب على ود التفتيش الروتيني، كلشي خدام، خدام لراسو ولبلادو، وهادشي كتشوفو بعينيك. كتشوف الشاحنات أيضا كدوز فالسكانير كتقلّب وكدوز فنهاية المطاف باش تغادر البوابة فاتجاه موريتانيا فأمان.

الخروج من المعبر كيف ديما بسلاسة ومسربي، وأول حاجة كتشوفها الطونوبيلات والسيارات لي خلاوها ماليها تم ومشاو، على اليمين وعلى الشمال، تكون قريبة لشي 150 شاحنة على جنب الطريق كتحس بيها مريضة وحزينة بسباب هاديك الوقفة، بحال شي حد مرض مدة 24 يوم وبرا ومازال كيعاني من آثار المرض، باغي يتحرك وكيسترجع عافيتو وأنفاسو دقة دقة.

الكاميونات صفوف وعلى امتداد البصر كاينين سيارات غير صالحة للإستعمال، شي بلا روايض، شي تباع صالونها، شي طونوبيلات باقي فيهم الكركاس فقط كتساين نوبتها تدخل لداخل المعبر بسباب الحملة لي دايرة السلطات المغربية لتمشيط المنطقة وتنقيتها من كل الشوائب.

فهاد الصدد سولنا شخص على المهلة لي عطاوها ليهم باش يحيدو سياراتهم، وقال  بأن السلطات ما عطاتهومش موعد، المهم تخبرو بالقرار وصافي، بمعنى الى شفتيهم قربو للبلاصة لي فيها سيارتك، سير عتق وحيدها واذا ما لقيتيهاش سير سول فالديوانة، أما الموريتانيين والبارك لي حدا البوابة ديالهم فعطاوهم يومين، واليوم الجمعة هو آخر نهار، داكشي علاش البارك ديالهم خوا ولات فيه تقريبا شي 30 سيارة فقط بعدما كانت شي 200 سيارة.
أهم حاجة كان دارها المغرب هي ديك الطريق المعبدة فسنة 2016 لي كتسهل عليك المرور بخير وعلى خير، كدوز فيها انسيابية على امتداد شي 3 كيلومتر، شي غادي فيها شي جاي مقابل مصالحو، وقبل نهايتها كاين شعارات البوليساريو لي كانو سادين المعبر مكتوبة على الزفت.

أول حاجة كتلفت انتباهك بعدما كتسالي الطريق المعبدة هو وجود الجرافات خدامة على استكمال تعبيد الطريق، كتقاد الطريق وترسمها مبدئيا وكتحيد لحجر وتنقي قبل ما تبدا الأشغال. فهاد لبلاصة كاينين شي 5 ديال الجرافات غاديين جايين كيرصو الطريق ويوجدوها.

وفالمقابل كاين أول نقطة ديال الجيش فوقها العلم الوطني كيرفرف، نفسهوم هادوك الجنود لي كانوا نهار الخميس هوما لي كاينين الجمعة، لي كيدوز حداهم كيعطيهوم التحية ولكلاكسونات خدامين، شيافر الكاميوات كيشيرو ليهم، وفي ساع كيردو عليك، هاد لي جيست واخا بساط ولكن كتشوف فعينين الجنود لي على خط التماس وفمسافة الصفر الامتنان والفرحة والتشجيع، والأكثر من ذلك المعنويات المرتفعة، هاد الناس يستاهلو، حياتهم واهبينها للبلاد، وهادو هوما لي يستاحقو يكون عندهوم تقاعد البرلماني، لابسين لباسهم العسكري هازين سلاحهم وعينيهم محلولين سهرانين لحماية لبلاد، فيهم شباب وجنود أربعينيين، دايرين اللثام ومتأقلمين مع الطبيعة الصحراوية.

الجو فالكَركَرات أو قندهار عادي ما كاين تا حاجة تستدعي أنك تخاف منها لأن جنودنا كاينين، فبالاضافة للبوسط لي جاي حدا الطريق، كاين بوسطات آخرين، كل وقت كيخرجو من حداهم سيارات عسكرية ما تعرف منين خرجو، جايين قاطعين من الغرب للشرق فيها ناس عاطية رواحها وتستاحق بزاف ديال الامتنان والشكر ونديروهم فوق ريوسنا احتراما وإجلالا.

حدا هداك لبوسط كاين مخيم البوليساريو لي تحرك، مخيم كتحس بيها بحال مخيمات تندوف ثانية دارت فالكَركَرات، كتشم فيها ريحة صحراوي مغرر بيه، تلاح فهاد المنطقة، كاين بقايا الأكل، بقايا اللباس، بقايا الأغطية، التلافز، والروايض، كَادومة وأنابيب حديدية، والدوا حتى هو، كاين سيروم كان معلق لشي حد مريض فيهوم، كاين الفانيد، كاينين سيروات، كاينة الفاصمة لي فيها الدم، كاين حتى ورقة فيها تحذير من الألغام، هادشي كلشي كاين، وفاش كتشوفو كيبقى فيك الحال، لأنها حالة انسانية قبل ما يكون مولاها عندو موقف سياسي معادي، وكلشي قاستو العافية لي كانت فالمكان.

الدورة فبلاصة مخيم البوليساريو، كتعطيك فكرة على المستوى المعيشي فمخيمات تندوف، كتعطيك فكرة على المعاناة لي كاينة تم، فكرة على تجارة البعض بالكل، حتى لمستوى اللباس لي باقي، كيحكي ليك الفرق بين تندوف والعيون والسمارة والداخلة وبوجدور. صعيب أنك دوز من هداك المخيم وما يبقاش فيك الحال على حالة الناس لي كانت تم، صعيب أنك تتجاوزو بلا ما يمشي بالك لأهلك وناسك لي فالمخيم اذا كانوا عندك.

تجاوزنا مرحلة المخيم والمعاناة لي كتواجد على حافة الطريق لي كتعبّد دابا وباديين فيها الجرافات، ومشينا طلعلنا لبوابة موريتانيا، ولي كيتجمعو فيها 6 شاحنات وكيدوز عادي للتراب الموريتاني شاحنة مور شاحنة وغادي يدوزو لمرحلة أخرى ولبلاد جديدة يقلبو على رزقهم، شي غادي لمالي وشي غادي للسنغال حسب ما قالو لينا الشيافر.

حدا فين كيوقفو الشاحنات عند البوابة الموريتانية من جهة الشرق كاين نقطة أيضا للقوات المسلحة الملكية، فيها جوج خيام وهي نقطة متقدمة بزاف، وبعيدة على بوابة موريتانية بشي 50 متر على أبعد تقدير، وخدامة فيها جرافة كتكمل الحزام الرملي، كتجمع لحجر والتراب وتقادو حجرة بحجرة وحصية بحصية بلا كلل ولا ملل، خصوصا وأنه خط دفاعي مهم يمكن ليه يعرقل أي محاولة لغلق الطريق مستقبلا ويوضع حد لأي بلوكاج مستقبلا.

حدا البوابة الموريتانية ما لقيناش داك السيد لي كانو طلبو ليه رشوة البارح الخميس، يمكن داز دخل لموريتانيا وهادشي لي كنتمناو، السيد كان هاز معاونة للموريتانيين -كارافان صوليدير- والدرك كيطلب منو الرشوة والتدويرة وهذا هو الفرق بين جيشنا لي كيأمن الطريق حاليا وواحد أو جوج من الدرك الموريتاني راهنين مصير شيباني معاق أو شيبانية معاقة بحفنة أوقيات غادي تبعهوم عليها دعاوي واحد ضارب الطريق من فرنسا.

 





 
" يمنع منعا كليا نشر تعليقات السب والقذف وكل العبارات النابية "

أضف تعليقك على الخبر
* كاتب التعليق
* عنوان التعليق
  * الدولة
* التعليق
  * كود التحقق





الجزاير..آلية الترويكا الإفريقية الخاصة بالصحرا فشلات..و ها شكون إتحمل مسؤوليتو..

روسيا: خص المغرب و البوليساريو إضبطو نفوسهم و ستانفو المسار الأممي..

قوجيل تلاقى مع رئيس مجلس الشيوخ الفرنسي و ملف الصحرا كان مطروح..

هزيمة البوليساريو فالكَركَرات. ما كتسناش شي حاجة من مجلس الأمن وبررات الهزيمة بمهاجمة مجلس الأمن..

نواب لجنة الخارجية فمجلس النواب دارو لقاءات مع القناصلة فالعيون ..

ها كيفاش فشلات البوليساريو في إثارة الشغب في قلب الصحراء و ها كيفاش نجحت سلطات العيون في التصدي لها بفضل حنكة الوالي "بيكرات" و والي الأمن "أبو الذهب"....