تاريخ اليوم : 5 ديسمبر 2021
            رئيس جهة العيون الساقية الحمراء يبصم على مشاركة مميزة بفعاليات الندوة العلمية المنظمة من الفيدرالية المغربية للناشرين.             العثور على جثة خمسيني بمنزله بطانطان ...             احباط عملية للهجرة السرية بسواحل الداخلة و توقيف 39 مرشحا...             يا ربي السلامة..شدو 188 حراكّ فلعيون و النواحي..             صاروخ النقمة السوفياتي : كلشي تقولب..             تقرير إستخباراتي يفضح دسائس ألمانيا الرامية لإضعاف المغرب. (... لا نريد تركيا جديدة بالمتوسط).             عاجل: الحكومة تقرر منع جميع المهرجانات والتظاهرات الثقافية والفنية....             موريتانيا محشاتهاش لزعيم البوليساريو و ها أستون لي دار ليه..             نية لعمى فعكازو..الجزائر فشلات عاود تاني فحشد الدول الإفريقية الأعضاء في مجلس الأمن للدفاع عن مواقف البوليساريو..             من بعد الجزاير...البوليساريو حتى هي رفضات رسميا المشاركة فالموائد المستديرة.. أيوا و من بعد..             المجلس الوطني للصحافة يصدر تقريره الثاني حول "الصحافة المغربية وآثار الجائحة.."             فيديو يستحق المتابعة..المعلق الرياضي المتألق رقم 1 "بنعزيز" استاضف هاذ نهار مدربين كبار من الصحرا لي صيفطو ميساجات قاصحة لمسؤولين و منتخبين..             الدّق تم..لميريكان همشات الجزائر وشركات المغرب فإستراتيجيتها الأمنية لأوروبا..             الدّق تم..لي حفر شي حفرة يطيح فيها..شعب الطوارق بغا إنفاصل عن الجزائر..             مفاجأة سارة..هاذ الخبر غادي إنوض بوطزطاز فكبرانات الجزاير..             تجريد مستشارة الأحرار من عضوية المجلس الإقليمي لسيدي افني...             بلاغ وزارة الداخلية بخصوص المعنيين بالتجنيد الإجباري "فوج 2022"....             غير دابا: بوليس العيون شدو اللي سرق وكالة تحويل الأموال....             أشناهيا الرسائل لي ناويا لالمان تصيفطها للمغرب فهاذ الوقت بالذات؟..             بنموسى: الولوج لمهنة التدريس سيتم من الباكالوريا ابتداء من السنة المقبلة..             صدمة تونس بعد وضع يدها في يد عصابة الكابرانات..             لابيجي ديال السمارة قرقبو على شخص و ها باش متهم..             شدو لبارح شيفوركاميون كان جايب معاه لحشيش و جاي لصحرا..             الحكومة: 10 ديال الناس صافي هما لي غادي إحضرو مراسم الجنازة..             بالفيديو: فتح القنطرة الحديدية الجديدة بكورنيش كليميم...             سلطات كليميم تشنّ حملة لتحرير الملك العمومي...             بسباب الصحرا..شياتة عسكر الدزاير بغاو عاود تاني إلصقو هاذ لبلان لعوج للمغرب..             المغرب يحصل على مسيّرات انتحارية إسرائيلية بقيمة 22 مليون دولار..             التبون: الجزائر دولة متفوقة، لكنني لا أفهم لماذا لا يأتي المستثمرون ويذهبون لبلدان تعاني الجوع. ..             لابيجي ديال لعيون طارو بشخص و ها باش متهم..             اكناري صبويا الجودة رقم واحد في المغرب            جزائري يمسك برضيعة سقطت من الطابق الثاني..            قصة الغزال المغدور بين أنياب التمساح والكلاب البرية.            شاهد .. ترامب ينام أثناء كلمة “ملكة بريطانيا”            هل أنت مع العلاقات الرضائية خارج مؤسسات الزواج؟            من هو أفضل شخصية سياسية صحراوية لسنة 2012           


أضيف في 20 نونبر 2020 الساعة 09:44


الهدوء فالكَركَرات. كتحس براسك فبلاصة ماشي هي والجيش خدا بلاصة البوليساريو ف 2016 كلشي واقف وخدام..


الصحراء اليومية/العيون

بالتزامن مع التصعيد الحالي تبدلات شحال من حاجة، أولها وانت فالطريق للكَركَرات ما يمكنش تحس غير بالأمن، الأمور عادية، قشلة واحدة لي جات على الشارع فيها جنود للقوات المسلحة الملكية المغربية، وسيارات ماشية قبل الكركرات بشي 10 كيلومتر، زيد عليهم بعض السيارات والشاحنات العسكرية لي دايزة بشكل عادي لأنها أصلا طريقها.

فاش كتوصل للكَركَرات كيبان لك شحال من حاجة جديدة كيبان لك التنظيم وشحال من بناية تزادت، والأعلام الوطنية كلشي محسوب بالسانتيم، كلشي خدام بحال خلية نحل كيصاوب الطريق للشاحنات وشي كيقاد لوراق، غير هو القاسم المشترك بينهم أنهم كلهم مبتاسمين، كلهم كتحس بيهم خدامين وفرحانين، وهاد الفرحة فرحة النصر.

بمجرد كتغادر البوابة كيبانولي الكاميونات متوقفين يمين ويسار وعدد من السائقين، شي فكاميوه شي أصلا عايش تم، مدوز سنين فقندهار كيتمعش بصرف العملات وخدام بحال سيارة أجرة من بوابة المغرب لبوابة موريتانيا، المهم يجيب الدرهم وربي كبير، مقاتل مع عيشتو ومع الحياة، مخلي وراه عائلة كيصرف عليها، وجهدو لي كيدير باين على وجهو لي فيه بزاف ديال التعب ومآسي الحياة فالبحث على لقمة عيش ما بغاوهاش ليه البوليساريو.

مشينا ضربنا الطريق على رجلينا حتى سالا الزفت، كتبان لك الحركة، ولكن فنفس الوقت كتمشي آمن ما عندك مناش تخاف، شي كيصاوب أتاي حدا الشاحنة ديالو، شي مريح فيها والسيارات غا مشتتين ما بغاهم بوبي، والأمور غادية عادي، خصوصا مع تناقص أعداد الشاحنات لي دايزة فهاد الأيام، بحيث أغلبها كان داز فالأيام السابقة.

كتوصل لنهاية الزفت كتلقى بلاصة شعارات كانوا كاتبينها البوليساريو على الزفت ولبلاصة لي كانوا بغاو يحيدوه منها، هنا كتبدا رحلة أخرى، هي رحلة أمل ووصال وصلة رحم بين المغرب وموريتانيا، وهادشي كان نتاج للطريق لي غادي تكمل بعدما عرقلتها البوليساريو. حفارات وطراكسات وجرافات خدامين كيكملو الطريق، بالاضافة لجرافات أخرى كتبان ليك من بعيد كتصاوب الجدار الرملي شرقا حدا البوابة ديال موريتانيا.

فنفس النقطة كنعقل لي كانوا فيها البوليساريو فسنة 2016 دابا ولاو كاينين القوات المسلحة المسلحة الملكية، كتبان ليك الراية من بعيد وبوست آخر ديال المراقبة. فهاد لبلاصة فسنة 2016 كنا هدرنا مع جنود ديال البوليساريو، كانت هدرة خفيفة بحكم أنتي صحراوي، تبادل التحية وطلبو مني اذا صورت نصور تصاور مزيانين، ولكن الواقع أنني داير فيديو.

فهاديك لبلاصة كاينة القوات المسلحة وكيدوزو من حداها الشاحنات بكل أريحية، شاحنة ورا شاحنة حتى قربنا لعندهم لكن التصوير كان ممنوع من قريب، سلمنا عليهم، فيهم شاب غادي تكون عندو ديك 28 عام واقف هاز سلاحو كيلوح عينيه فكل الاتجاهات، وواحد آخر فنفس العمر حداه، فضلا عن جنود آخرين واقفين غادي يكونو فالأربعينات من العمر كيهدرو ورادين البال، تعايشو مع هاد التصعيد، أو بالأخرى فرحانين بيه وما عندهومش إشكال فأنهم يموتو كَاع لأنهم غادي يموتو على بلادهم.

غرب هاد النقطة كان مخيم البوليساريو، كانوا معلمين لبلاصة لي كانو فيها جنودهم شحال هادي، ختارو هاديك لبلاصة لأنهم كانوا فيها، وفاش كتقرب كتشوف كلشي محروكَ، مشتت، متفحم، ما بقا صالح لوالو، لوحات ترقيم مليوحة، أتاي، الروز، المقارونية، السكر، كيسان أتاي، طباسل، حصاير محروكَين، وحتى لافتاتهم موجودين كتلعب بيهوم الريح.

فخضم هادشي بدينا كنبقششو، كنقلبو على أي حاجة تكون مميزة، حتى لقينا “كَادومة” ملفوفة فملحفة، فتحنا الملحفة فإذا بيها هي، استعمالها كنا شفناه فإتلاف الطريق، ولكن أيضا كان عندها دور آخر فحالة كانت شي مواجهة فالمنطقة، بمعنى الغرض منها هو استعمالها فالاعتداء، خاصة وأنها كانت مخبية.

فهاد المخيم كاين تقريبا شي 9 ديال لخيام فيهم لي مجموعين ولي معزول بوحدو، يمكن لك تشوف كلشي من ديك لبلاصة لي فيها المخيم وتراقب الوضع، وهذا أفونطاج لهاديك لبلاصة، والغريب أنه الطريق غادي دوز من تم والجرافة خدامة كتحفر عادي، والشيفور ديالها خدام.

فخضم هادشي كاين رياح قوية ولعجاج وكيزيد الجو يعجج فاش كيدوز كاميو غادي لموريتانيا، لأن لبلاصة فيها الرملة وكثبان صغيرة، تغرق رجلك فيها الى كنتي غادي.

زيد على هادشي كتشوف دي بوسط ديال المراقبة ديال الحيش كاينين شرقا وغربا ولكن على مسافة بعيدة صعيب أنك تشوفهم اذا ما تحركوش أو وقف شي حد فيهم، وفهاد اللحظات كيبان واحد من القوات المسلحة غادي من الغرب للشرق نحو نقطة المراقبة لي قلنا من قبل وجات فبوسط البوليساريو عام 2016.

أحسن حاجة مبدلة فالكَركَرات أنك غادي على رجلك عادي ما كاين لي يهدر معاك.

قربنا للبوابة الموريتانية صورناها ولقينا حداها جرافات خدامين على الجدار الرملي، كلشي عادي، وتلاقينا خالة انسانية لشاب جنسيتو فرنسية وأصلو مغربي سولناه فوقاش دخل وجاوبنا بلي اليوم، ولكن الموريتانيين طلبو منو التدويرة باش يدوز، واخا هو جايب كراسي معاقين وماترييل من جمعية فرنسية تضامنية مع الشعب الموريتاني، حلفو ليه ما يدوز حتى يدور معاهم ورفض، وبقا مُصر أنه ما يعطيش الرشوة، ودعناه ومشينا فحالنا فرحلة عودة كانت أهم حاجة فيها أن الكَركَرات ديال دابا ماشي الكَركَرات ديال شحال هادي.




 
" يمنع منعا كليا نشر تعليقات السب والقذف وكل العبارات النابية "

أضف تعليقك على الخبر
* كاتب التعليق
* عنوان التعليق
  * الدولة
* التعليق
  * كود التحقق





مفاجأة سارة..هاذ الخبر غادي إنوض بوطزطاز فكبرانات الجزاير..

كابرانات الجزائر صافي تصطاو..كيحاولو هاذ ليام إحشدو الدول الإفريقية للدفاع عن البوليساريو فالأمم المتحدة..

جيش موريتانيا جاب تمام للبوليساريو..التفاصيل..

سكوب.. عاجل..السفير الباكستاني.. حنا معمرنا اعتارفنا بالبوليساريو و مغديش نعتارفو بهم...

غانتس يحل الليلة بالمغرب لبحث تقوية التعاون الأمني والعسكري..

قاضي التحقيق كيعلن عدم اختصاصو للنظر في فاتورة علاج زعيم البوليساريو..