تاريخ اليوم : 27 يناير 2020
            زيارة تفقدية لمشروع بناء مجمع الصناعة التقليدية بكليميم…             الملك يترأس حفل تقديم البرنامج المندمج لدعم وتمويل المقاولات وتوقيع الاتفاقيات المتعلقة به…             بتصاور..لعيون ولات وحدا أخرى..كلشي جاهز لاحتضان نهائيات كأس أمم إفريقيا..دارو شاشة كبيرة حدا قاعة الحزام للي بغا إتفرج..             لقجع من العيون : ما كتهمنيش الجزائر وجنوب افريقيا وكاينين نشاطات دولية غادي تكون مستقبلا.             مطالبة إيطاليا بفتح قنصلية ديالها فلعيون..             هنيئا لوادنون.. الطفل ياسين المخشوني إبن كليميم يفوز بالميدالية الذهبية في البطولة الجهوية للكراطي …(صورة)             مسؤول جزائري يدعو إلى ضرورة فتح الحدود بين المغرب والجزائر..             لعيون كتستاعد لاحتضان نهائيات كأس إفريقيا للأمم لكرة القدم داخل القاعة.. 2020             وفاة أقدم و أشهر مرشد سياحي بجهة كليميم وادنون …(صورة)             حزب البصمة يثمن المبادرة السيادية بترسيم الحدود البحرية للمغرب …(بيان)             المنتخب الغيني آخر فريق كيوصل هاذ اصباح ألعيون..القضية غادي تسخن أصباح بين الفرق المشاركة فكأس إفريقيا داخل الصالات..             انگولا والموزمبيق للي كانت ضاغطة عليهم جنوب افريقيا باش ميجيو العيون..دخلو هاذ أصباح ألعيون و كعدو جنوب افريقيا على قالب صحيح..             جمعية أجي نتعاونو تنظم ندوة جهوية بأسرير حول المشاركة السياسية و انعكاسها على التنمية المحلية…             محلات القمار بكليميم …الخطر الذي تسبب في إفراغ جيوب و خراب بيوت … رواده مياومون وأجراء و عاطلون و موظفون يطاردون السراب…             في اليوم العالمي للجمارك.. تدشين المديرية الجهوية للجنوب بمدينة الداخلة .             طانطان..فتح بحث قضائي في مواجهة شخصين، أحدهما موظف شرطة، للاشتباه في تورطهما في قضية تتعلق بالتزوير واستعماله..             بتصاور.."رهف القنون" اللاجئة السعودية كتقلي السم للمتخلفين..             بغاو إبيعوعرش مارادونا باش إوفرو فلوسو لخدمة الشعب..             بالفيديو..شاب حاول باش إبوس مؤخرة كيم كاردشيان وحارسها يتدخل..             المنتخب الوطني لكرة القدم داخل القاعة دار لبارح حصة تدريبية أجديدة فلعيون..             "الزاكي" و"رشيد الطاوسي" و"فتحي جمال" غادي إجيو ألعيون باش إديرو تقرير على نهائيات كأس إفريقيا داخل القاعة..             أسطورة كرة السلة الأمريكية "كوبي براينت" مات في حادثة طائرة..             ضربة عاودتاني قاصحة للبوليساريو..الفيفيا تعترف بمغربية الصحراء..             شاعلة عاود تاني فالرابوني فمخيمات البوليساريو..             فريق منتخب غينيا الاستوائية لكرة القدم داخل الصالات وصل لمدينة العيون..             2 أشخاص هزهوم هاذ أصباح لغم أرضي حدا الداخلة..             ها المعقول..نادي شباب الساقية الحمراء لألعاب القوى يفوز بالرتبة الأولى للملتقى الفدرالي للعدو الريفي بفاس.             بتنسيق مع جمعية التضامن للأعمال الاجتماعية تنظم الوكالة الحضرية للعيون حفلا تكريما للموظفة "فوزية أوديني"..             2 كسايد هاذ السيمانا خايبين حدا اخفنير..             سابقة بالصحراء: آسية ...أول امرأة تقود " طاكسي طرود " في شوارع كليميم... و هاكيفاش تيتعاملو معاها الناس فلمدينة...(فيديو)             بالفيديو..والي العيون يعزي قبيلة الشرفاء العروسيين في وفاة المرحوم " أكماش سيدي السالك ولد حمادي ولد لفيظل".            بالفيديو..شوفو الجانب الإنساني فوالي لعيون أثناء تقديمه العزاء لعائلة المرحوم " أكماش سيدي السالك ولد حمادي ولد لفيظل".             فحضور والي لعيون..ها شنو قال "عبدالله ادبدا" فعزاء المرحوم " أكماش سيدي السالك ولد حمادي ولد لفيظل".             بمناسبة عيد الأضحى..ها باش كينصح ولد الرشيد ساكنة لعيون..             من هو أفضل شخصية سياسية صحراوية لسنة 2012           


أضيف في 27 أكتوبر 2019 الساعة 11:59


بكل فخر و اعتزاز … فتاة من كليميم تكتب : هذا هو الأب ديالي او هادي هي الخدمة ديالو "'عامل نظافة " من أجل لقمة العيش الحلال..


بقلم : ابنة لقمة العيش الحلال 

هدا هو الأب دياالي .. او هادي هي المهنة ديالوو " عامل نظافة" او كيف كايلقبوها البعض " مول الزبل".

هاد المهنة هي باش كبرنا بيها حنا سبعة البنات أنا و ستة خواتاتي ماعنديش أخ لي يقدر يساعد الأب ديالي ولا شي دخل شهري من شي بلاصة . نو نو هاد الخدمة وحدها لي كبراتنا او عيشاتنا أحسن عيشة الحمدالله من نهار لي حليت عيني عمرني تخصصت الحمدالله من شي حااجة واكلين شاربين لابسين أحسن لبس أو احسن من بزااف الناس واخا صرااحة كنت كانحشم بزااف باش نقول لشي واحد راه الاب ديالي ها فااش خداام , كنت كالقا صعوووبة فالدخول المدرسي او كنت كانهز الهم لداك النهار لي غادي يسولني المعلم فاش خدام بااك ??? كنت كانضطر أنني مانحضرش داك النهار باش ما نتحرج قدااام التلاميذ لي كانو كايقراو معايا ,

المستوى الابتداائي دوزتو هاكاك كلو صاافي نجحت.....

طلعت للإعدادي كنت كانقراا مزيان ما كنت مدخلة للراسي والو من غير القراية ومع ذلك ملي كاطلع للاعدادي كاتبدا سن المراهقة تبغي تلبس تخرج تتعرف على اولاد او بنات .... انا الحمداللله طلعت للاعدادي مهدنة او بزاااف من الدار للقراية , القراية للدار حيت صح بين عيني غير القراية ... دوزت الاولى اعدادي او التانية اعدادي بيخير كنت كانجيب معدل لابأس به أو كنت احسن من صحاباتي من جميع النواحي, طلعت للتالت إعدادي بديت نتعرف على البناات بديت نفرض راسي . تعرفت على بنات كايلعبو كرة أسسنا فريق ديال الاعدادية بديت نعمر وقتي ولكن كنت كانفرق بين الدراسة او الرياضة . قربو الامتحاتات راجعت او حفظت او كافحت او الحمدالله نجحت . مشيت للدار فرحااانة قلتها للأب ديالي فرح بزاااف او كانعقل فداك النهار عطاني واحد السلسلة تقريبا كادير 10dh ههه ولكن راه كانت قيمتهااا كبييرة عندي شديتها فرحت بيهااا.....

طلعت للثانوي (الخوارزمي) او مزال دايرة فراسي غير القراااية حيت كانشوف الأب ديالي معدب بزااف فديك الخدمة حيت صح كل نهار كاتجي يديه مضروبة او الحساااسية او بزااف ...
إضافة على ذلك الوالدين ديالي او خواتاتي كان عندهم أمل فيا بزااف باش نكمل قرايتي بحكم خواتاتي الكبار ما قرااوش حنا كنا 3 لي كانقراو وحدة خراجات او وحدة صغيرة عليا . قريت فالجدع المشترك كنت غادية مزياان فقرايتي واخا بديت كانميل للرياضة شاركت مع فريق للمؤسسة او تأهلنا للجهوي ولكن القراية بين عينيا . المهم ساليت العام جبت نقطة زوينة احسن من النقط ديال الإعدادي . طلعت للاولى بااك هنا فين غادي تبدا الخدمة ديال بصح كانت عندي افضل مادة هي الفرنسية كالقا رااحتي بزاااف فديك الحصة او كنت صراحة تلميدة مجدة مافياش الصدااع ولا الشغب كنت محبوبة عند الأساتذة او الحراس حيت كنت كانتميز على البنات ديال التانوي انني تلميدة رياضية ملي كانكون فحصة التربية البدينية والله الا الحراس او الاساتدة كانو كايجو يتفرجو فيا او يشجعوووني بزااف . المهم بقات تقريبا 15 يوم للجهوي انا كنت مرااجعة دروسي حيت صح الفرنسية كنت كانجيب فيها معدل زوين او ما كنتش كانلقا صعوبة فيها . اما الرياضيات أقسم بالله الا كنت كانجي انا الاولى او التانية فالقسم اما الاسلاميات أختكم كافرة .
فديك 15j كانت عندي واحد الأخت ديالي مريضة او ديك اختي كنت كانتفااهم معاها بزااف حيت انا وياها نفس العقلية نفس الجيل
او بزااف... قرب الجهوي بقات ليه شي 5 أيام كانتفااجأ بالموت ديالها  هناك فين الدنيا كحاالت فعينياا كلشي تقلب عندي , الوليدة مرضات او حالتها كانت مشوشاني بزاااف ... .
نهار الامتحان دخلت تحطات قداامي ورقة الامتحان او دموع فعيني كايجيب ليا الله كيف الا عمرني قريت دااكشي . كنت طامحة باش نجيب فالجهوي على الاقل 13, 14 صافي دوزت الامتحااان ما خدمت فواااالووووووو نهار شديت النتيجة كالقاا راسي جايبة 4 . هنا فين غادي تقلب حيااتي او الاحلام لي كنت نحلم كاتبخر قدااام عيني . صافي كرهت شي حاجة اسمها القراااية.

مالين الدار وقفو معايا او عدرووني على ديك النقطة حيت عارفين ااش كاين . شجعووني باش نتحدا ديك النقطة او نشذ الباك ديالي او نحقق حلمي كنت كانحلم نكون استادة التربية البدنية كنت ديما كانبحت من هنا او هنا او كان كايقريني واحد استاد التربية البدنية أستاد #أشرف_أوشنا الله يجازيه بالخير الوقت لي نحتاج لشي معلومة كانلقاه فجنبي . صافي قريت البااك بديت كانميل للكرة بزااف تسجلت مع النادي ديال كلميم وليت كانغيب الحصص الدراسية غير باش نحضر للحصص التدريبية . كنت كانآمن بواحد المتال لي كايقول الا ما جابها القلم يجيبها القدم هه.

وصلو الامتحانات حفظت او راجعت شوية مانجحتش . عاودت العام عاود تاني مانجحتش . بصرااحة ما كانش كايبقا فيا الحال حيت عارفة راسي ما درتش مجهووود . حيت صح ملي ماتت الاخت ديالي كرهت القراااية بمرة . واخا كان كايبقا فيا الاب ديالي لي ما كان مخصصني لوالو غير باش نقرا او ندير شي حاجة فحياااتي ولكن دووماج  المهم ملي سالا العام ما نجحتش  بغيت ندير إعادة التمدرس فنفس الليسي ولكن قالولي ما يمكنش خص ضروري تغيير المؤسسة . بديت كانبحت هنا او هنا مالقيت والو حتا تدخل ليا واحد السيد الله يجازيه بالخير بلاا ذكر الإسم هو عاارف رااسو .( الا قريتي هادشي دير أضحكني ) كانشكرو بزااف بزااف . ...حيت هاد الشخص من الناس لي بغاوني نقرا او ندير شي حاجة فحياتي حيت كان عارف ظروفي. بغيت نقوليك اسمح ليا بزاااف ماكنت فحسن ظنك ...

صاف دخلت تسجلت من جديد فمؤسسة جديدة(محمد الخامس ) سبحان الله ماكنتش كانحمل هاد الليسي حيت جا حدا الدار هه دقيقة من الدار الليسي كنت كانفضل نبقا بلا قراية ولا نقرا فيه . دخلت نقراا دوزت شي 10 ايام بديت نتأقلم مع الجو او الأغلبية التلاميد لي كانو يقراو معايا جيراانا زدت كرهت داك الليسي المهم دوزت شي شهر زعمت وليت نضحك نقشب كنت مشاغبة فيه ولكن شغب حلو او زوين هه والله الا كنت محبوبة او بزاف او هادشي حاسة بيه حتا من الاساتدة كنت عزيزة عليهوم. كنت كانقرا فواحد القسم لي زوين بزااف او صراحة أحسن عام غادي ندوزو فمساري الدراسي .عجبني الحال او رتاحيت بزاااااف فديك المؤسسة او ندمت علاش ما قريت فيها من قبل حيت مالين دار قالو لي انتقلي من الخوارزمي لمحمد الخامس او نشرو ليك ايفون  حيت كانت طريق بعيدة تقريبا نص ساعة او زايد ماعارفين خباري هه قلت ليهوم لا بغيت الخوارزمي حيت ولفت تم . اوا الله حقق ليهوم حلمهم او جابني للمؤسسة لي بغاو بلا ايفون ولا نوكيا ههه تصيدت صافي دوزنا الدورة الاولى ... دخلنا للدورة التانية اول حصة مادة الفلسفة عند استاد  #لحسن_أوتسلمت بقا يسول أي واحد على النتيجة وصلني انا بقا كايضحك عارفني مقفراها سولني شحال جبتي قلت ليه المعدل قالي شحال عندك فالجهوي قلت ليه 4 . هو يعطيني واحد النصيحة لي الحد الان كانتفكرها قاليا ""شوفي ازهرة دابا وصلات وقت الخدمة او الصح خلي عليك الصحابات او الكرة او او.. او ركزي على على هاد الدورة راه دغيا غادي تفوت. هداك الكلام بقا راسخ فعقلي زائد مالين الدار عيااااو معاياا يقولو لي راه هاد العام لي بقا ليك بعدي على الكرة او شدي الباك ديالك او ديك الساعة لعبي حتا تعيااي . صافي بدينا الدورة التانية درت راسي شوية فالقرااية ولكن عندي شي صحابات السوء ماخلااوني ,صرااحة كون ماكنت تبعت الكرة كون دابا حققت حلمي  سالا العام مانجحتش عاود . مالين الدار تعدبوو معايا بزاااف كانو كايتسناو ديك اللحظة لي ندخل للدار نقوليهوم نجحت ولكن دوماااج  .

صافي القراااية فرطت فيها . قاليا الوليد شوفي ابنتي االله يعطيك الرضا سيري قراي ديري شي حاجة . قاليا انا ما طامع فيك والو بغيتك غير تقراي او ديري شي حاجة فحياتك أنا قاد برااسي .
مالين الدار شجعوني على ليسطا (ISTA) انا ماحاملاش نقرا فيها . مشيت سجلت الوتائق جيت عند الوليد وريتو الوتائق او قلت ليه راه 800 dh باش نتسجل واالله ما قال والو ناض مسكين جاب ليا 900 dh قاليا غدا صاوبي هاد الوراق . شديت الفلوس بقيت نقول مع رااسي العالم الله شحال غايكون خدم عليهوم باش جمعهم والله حسيت بالبكاء حيت كانشوف كايدير المستحيل غير باش ندير شي حاجة فحيااتي ولكن انا ما مسوقااش ...

أول حصة عندي فليسطا (ISTA) كنت دايرا برونش سيكريتاريا دخلت كانشوف عالم تاني عالم مختلف بزااااف على هاد السنين كلها لي قريت .كلشي مبدل الجو القسم الكراسي المقاعد الوجوه كلشي كلشي ماقدرتش نتأقلم مع داك الجو إضافة علي ذلك كلشي كايتقرا بالفرنسية . او الفرنسي لي كنت نقراها فالاعدادي او التانوي لاعلاقة بالفرنسية لي كانقراها تم مابقيت كانفهم والو هههه او الخايبة هي القسم فيه غير البنات  اوا صافي قرينا بكري . 
30 بنت فالقسم شي وحدات فيهوم شادين الاجازة او الاغلبية شادين الباك قليل لي عندهم نيڤو باك. صافي تعرفت على بنات القسم تداخلت معاهوم نهار من وراء نهار كانزيد نتعرف عليهوم أكتر او وليت نقلدهم فحوايج سلبية يعني ما خصش شي وحدة تكون لابسة أحسن منك ولا شي حاجة ,أنتما عارفين البنات كيف دايرات كل وحدة ماغادي تبغي تكون الاخرى أحسن منها . 
المهم بديتت نفشل راااسي برااسي واخا دخلت عازمة باش نقرااا او نشد داك الديپلوم ولكن ملي بدينا نقراااو صراحة ماعجبنيش الحال الحصة كاملة كانقراو غير كيفاش تجلسي فالكرسي كيفاش تهضري مع الناس .. أخوتي مابقيت باغا نقرا عطوني غير 800dh ديالي خلوني نمشي فحالي كنت كاندخل عند واحد الاستاد ديال اللغة العربية أستاد #حمان كان عزيز عليا بزاااف او ملي عرفني كانلعب كرة وليت عزيزة عليه حتا انا ههه كان ديما ينصحني ابنتي ديها فقرايتك .

ولكن انا داك العقل ديال القراااية رااه ما بقاش كيف الا هزيتي زهرة او حطيتي وحدة تانية . صافي ما بقيتش كانحضر للحصص ديالي الاسبوع كلو كانحضر يومين 3 ايام صافي. كنت كانتسنا فينتا غير يسالي العاااام حيت مليت من داك الروتين كل نهار صافي سالا العام . دازت شي 4 اشهر حتا شبعت راحة او نعاس مزياااااان . عاااااااد ديك الساعة بديت كانراجع راااسي ولكن دومااااج فات الوقت . بديت نقول مع راسي فين هما الصحاب لي كانو يضحكو معايا كنا نضحكو مجموعين فالاخير كلشي وصل بقيت غي انا . كانشوف مستقبلي ضااااااااع قدااام عيني كانشوف الناس لي كانو يضحكو لي ديك الضحكة الصفراء على بالي بغاو ليا الخير والحقيقة هما مابغاونيش نكون أحسن منهم . تفكرت كلام واليديااا كلام الاساتدة ديالي كلام الناس لي عزاز عليا .... ولكن دوماااج فااات الوقت . تمنيت كون الوقت يرجع لور شوية والله حتا نشد فقرايتي بيدي أو رجلي . كل نهار كانحط راسي على الوسادة كانبدا نخمم فالمستقبل لي ضاع . وليت كانشوف حياتي ضلاااامت ما بقا عندي أمل فوالو حياااتي بااطلة ندمت بزااااااف بزاااف على قرااايتي لي ضيعت كانشوف الناس جاو غير من ورايا فين وصلو . ولكن الحمدلله على كل شيئ الله ماكايسد بيبان حتا كايفتح بااب . أو الحياة هي عبارة عن تجارب المهم أنني تعلمت بزااف أوتعرفت على ناس كتاار زوينين حيت صراحة أنا عمرني صادفت ناس خايبين فحياتي كلنا كانخطأو أو أنا فطبعي كانسامح بزااااف. أو أحسن حاااجة وقعات ليا فمساري الدراسي هي أنني تعرفت على 2 الأصدقاء #خالد و #مريم_بلايني لي ولاو كايعنيو ليا كلشي . صداقتنا مبنية على التقة أو الحب ماشي المصلحة أو انا فرحاانة حيت كاينين فحيااتي .

كااانطلب السماحة غير من واليديا حيت ماقدرتش نفرحههم بوالو نطلب من الله غير يطول لي فعمرهم . او كانشكر الله حيت تزاديت وسط عائلة زوينة أو حنينة . 

وأخير اا ....بغيت نقول أنني وليت مفتاااخرة بالاب ديالي أو بالمهنة ديالو حيت مكبرنا فالحلال او كايخدم بعرق كتافو ....أووليت كانتفتاخر باش يقول لي شي واحد واش أنتي بنت فلان.? كانجاوبو أوبراسي عالي ااااه هداك الاب ديالي حيت صح محبوب عند الناس أو كلشي كايبغيه أو عزيز عليهوم أو هدا شرف ليا . الحمدالله عمرنا قلنا خصنا ولا تحرمنا من شي حاجة كايحيد من راسو باش نكونو حنا بيخير أو يوفر لينا كلشي باش مانخسروش وجهو قدام الناس كايتيق فينا بزاااف أو حتا أنا واليدينا بين عينينا أو أي حاجة كانبغي نديرها كانفكر فشيب داك الراجل لي قاصا أو عانى باش يكبرنا فالحلال .كانصادف بنات لي كايديرو العجب ولكن أنا الحمدالله عارفة ااش كاندير أو كيف ماقلت ليكوم كانفكر فواليديا قبل أي شيء داكشي علاش عمرني فكرت ندير شي حاجة خايبة .
ياااربي طول ليا فعمرك تمنيت نرد ليك غير ربع من داكشي لي درتي معانا.

الفقر ماشي هو فقر الجيب ولكن هو فقر القلب فقر العقل فقر التربية ... أو راحة البال أهم من أي حاجة فهاد الدنيا.





 
" يمنع منعا كليا نشر تعليقات السب والقذف وكل العبارات النابية "

أضف تعليقك على الخبر
* كاتب التعليق
* عنوان التعليق
  * الدولة
* التعليق
  * كود التحقق





مقال رأي: وجهة نظر لتجويد عملية اختيار النخب في العملية الانتخابية بالمغرب…

المدون و الناشط الحقوقي " لحسن أوبلا " يكتب عن الحق في الحصول على المعلومة…

المدون " هشام بقلا " يكتب: مجلس الجهة والمجتمع المدني ..

الدكتور " عبد الرحيم بوعيدة " يكشف حقيقة وجهته السياسية القادمة …و موقفه من حزب الحمامة…

هذا هو "يوسف زركان" و ها كيفاش دايرا علاقتو بأهل الرشيد و بحزب الإستقلال..

مقال رأي: دور المرأة في المجال السياسي…